Mujhay Aisa Lutf aata Kiya, Jo Hijar Tha Na Wisaal Tha . . .
Meray Mosamoon K Mizaaj-Daan, Tujhay Mera Kitna Khayaal Tha . . .
Kisi aur Chehray Ko Deikh Kar, Teri Shakal zehan mein aa gaii. . .
Tera Naam Lay K mila Ussay, Meray Haafzay Ka Ye Haal Tha . . .
Kabhi Mosamoon K Saraab mein, Kabhi Baam-o-Dar K Azaab mein . . .
Wahaan Umar Hum Ne guzaar Di, Jahaan Saans Lena Muhaal Tha . . .
Kabhi Tu-Ne ghaor Nahi Kiya, K Ye Log Keisay Ujarr gaye? . . .
Koi Meray Jeisa garifta Dil, Teray Saamnay Ki Misaal Tha . . .
Teray Baad Koi Nahi Mila, Jo Ye Haal Deikh K poochta . . .
Mujhay Kis Ki aag Jhulsa gaii, Meray Dil Ko Kis Ka Malaal Tha . . .
Kahein Khoon-e-Dil sy Likha To Tha, Teray Saal-e-Hijar K Saaniyah . . .
Woh Adhorii Dayarii Kho gaii, Woh Na-Jany Kon sa Saal Tha...!!!
No comments:
Post a Comment